Litla fólkið í Háagerðinu

Hæhæ.
Já, nú eru bara sex dagar þangað til að við komum heim og við getum ekki sagt annað en okkur hlakki alveg ROSALEGA til. Jólasveinninn kom með dót í skóinn til Eydísar í nótt og hún dáðist að því að hann skyldi koma alla leiðina til Skotlands með dót fyrir hana. Svo hafði hún miklar áhyggjur af því að hann kæmist ekki inn um gluggann þannig að ég sagði henni að ég myndi opna gluggan áður en ég færi að sofa. En hún vaknaði svo um nóttina (af því að sængin datt á gólfið) og tók eftir því að glugginn var ekki opinn og sótti mig til að opna hann. Þarf að hafa allt á hreinu. En hún var rosalega ánægð með dótið sitt og lofaði að vera dugleg að fara að sofa.
Annars var ég að koma frá því að horfa á hana í jólaleikriti í skólanum. Hún hafði reyndar ekkert hlutverk (eins og meirihlutinn) heldur var partur af kórnum og hún reyndi að syngja öll lögin sem þeim hafði verið kennd. Þetta var rosalega gaman.
En annars ekkert nýtt, 7 stiga hiti og logn. (fyrir veðurfróða)
Kveðja, Ragna

posted by Ragna @ 12:34 e.h.