Litla fólkið í Háagerðinu: 04/01/2003

Jæja, jæja, jæja...........sem betur fer eru páskarnir búnir. Þeir fóru ansi ílla með allan árangurinn úr ræktinni. En það þýðir ekki að sitja heima og lesa....nei, maður skellir sér bara aftur af stað í ræktina. Því sit ég nú með logandi harðsperrur og get varla gengið.

Við buðum Rannveigu, Bergi, Alexander og strákunum í mat á Páskadag og buðum upp á kalkún. Það er náttúrulega hlægilegt hvað kalkúnar og kjúklingar eru ódýrir hérna. Sem dæmi má nefna að 4,8 kg. kalkúnn kostaði tæpar 1200,- krónur. En hvað um það - þá heppnaðist kalkúnninn alveg æðislega vel og svo var setið og kjaftað fram eftir nóttu. Það er alveg makalaust hvað við virðumst öll hafa mikið úthald á kvöldin..........þau þrjú skipti sem við höfum hitt Rannveigu og Berg í mat höfum við setið til klukkan sex um morgunin. Merkilegt.

En nú er alvaran tekin við aftur og allir byrjaðir að sinna sínum störfum. Eydís er byrjuð aftur í leikskólanum og í dag, á þriðja degi, var að hennar sögn "alveg æðislegt" í leikskólanum. Hún er mjög dugleg að spyrja okkur hvað hlutirnir heita á ensku og reynir orðið að tala við krakkana í leikskólanum.
Agli gengur að sjálfsöðu vel í skólanum sínum og er meira að segja kominn í fótbolta einu sinni í viku. Þetta eru hinir ýmsu Íslendingar og nokkrir Skotar.

Ég er byrjuð að vinna aftur í lokaverkefninu mínu ásamt stelpunum heima og nú er að skella á lokahnykkurinn. En þetta er allt í góðum málum og við stefnum að útskrift í júní.

Jájájá......ég var næstum því búin að gleyma einu..........ÉG ER FARIN AÐ KEYRA !!!!! Já. Ragna Kvaran keyrir um eins og herforingi í umferðinni í Aberdeen. Þetta var pínulítið skrýtið til að byrja með, gírarnir öfugu megin.......... en mér finnst ég vera voðalega klár.

Annars er fátt annað títt nema það að ég er búin að setja inn nýjar myndir á tengilinn "MYNDIR" hérna til hliðar.
Bæ í bili - Ragna

Jæja gott fólk. Það hefur gengið á ýmsu og best að byrja á því minnst góða, nefnilega, daginn eftir að ég (Egill) hafði verið í einhverju tryggingafélagi að kaupa bíla og heimilstryggingu og hafna því að kaupa tryggingu fyrir reiðhjólið, þá var því að sjálfsögðu stolið eða öllu heldur dekkjunum undan því - helvítin. En hinum hjólunum á hjólastæðinu?? Ónei, okkar skyldi það vera.

Af öðrum tíðindum ber fremur hátt að fátæka nemendaheimilið fjárfesti í golfsetti á niðursettu verði. Það sem helst hvatti til þess má ef til vill segja að hafi verið verðlagið á golfvellinum hér fyrir neðan sem rukkar nemendur um 4,5 pund (rétt rúmar 500kr) fyrir 18 holur, nokkuð góður prís það HA (rétt að skjóta inn að fullur prís fyrir óbreytta er um 1500 kr). Nú þarf bara að spila á fullu til að borga niður settið.

Annars gengur allt bara bærilega, samdóma álit hér á bæ er að það væri nú gaman að fara vestur á Snæfellsnes um páskana en það verður bætt upp með einhverju skemmtilegu hér í Abbo og nágrenni. Það byrjaði reyndar í dag (16.04.03) með bíltúr hinum mesta. Við sumsé keyrðum upp Deeside og talsvert inn í hálönd og það sem bar fyrir skinn var hreint magnað, úr bænum héldum við í þoku og etv 10 stiga hita en þegar við vorum komin svolítið inn í land var orðið nokkuð heitt og bjart og þegar við vorum komin inn í hálöndin, í þorp sem heitir Braemar, var hitinn orðinn milli 25 og 30 stig, nokkuð sem við vorum ekki búin undir og varð nokkuð heitt. Á morgun förum við til Stonehavenþorps sem hér rétt sunnar og í nágrenni þess er tilkomumikill kastali sem heitir Dunottar castle og hann ætlum við að líta á. Annað er ekki planað en hvað úr verður verður hægt að finna einmitt hér á þessari síðu í nálægri framtíð.
Úbbs, ég gleymdi einu, væntalegar eru myndir af neftóbakskornum í sílikonbaði í þúsundfaldri stækkun - nánar auglýst síðar. Þetta er reyndar sorglega ómerkilegt, ekki síst í ljósi þess hve neftóbak er annars skemmtilegt.

Nú að skosku. Ég má til að segja frá því að þegar við vorum í Glasgow ekki alls fyrir löngu spurði Ragna manninn á B&B-inu (Bed and Breakfast) where she would find the zoo (súú). Ekki vissi hann nú upp né niður hvað hún átti við með slíku bulli, zoo hváði hann riglaður. Yes, a park with animals sagði Ragna til frekari skýringar. Birti þá yfir karli og leiðrétti hann í vandlædingartón - ahh, zuu. Minnti þetta óþyrmilega á söguna um two og tuu sem varð til í rútu í Edinborg (hafið samband við Rósu til frekari skýringa). Annað tungumálatengt sem ég óklár á: Ég var staddur í leigubíl fyrir nokkru síðan og sagði eitthvað á þá leið við bílstjórann að þetta væri nú aldeilis "foggy night" (það var niðaþoka). Hann vildi ekki kannast við það og leiðrétti að þetta væri ekki "fog" heldur "harr" (gæti líka verið stafað haar). Síðan hefur verið skotið að mér að þetta væri líklega úr norrænu máli en ég get alls ekki munað eftir neinu íslensku orði sem passað gæti við þetta svo HJÁLP.

Cheers, Egill skrifaði.

HÆ allir saman.
Ég ákvað að segja ykkur aftur frá hinni merku uppgötvun sem við gerðum hér í Aberdeen. Það er semsagt hægt að kaupa President neftóbak hérna á 153.- krónur á dolluna. Þetta fannst Agli sem sagt vera nógu merkilegt til að endurtaka fréttina.
Annars er allt fínt að frétta. Ég er byrjuð í ræktinni með Rannveigu og get varla gengið upprétt sökum gífurlegra harðsperra og verkja. Egill hlær bara að mér þegar ég geng um eins og kroppinbakur af því að það er svo vont að rétta úr sér. En við Rannveig erum staðráðnar í því að halda áfram.

Svo var einhver að kvarta að ég væri ekki búin að setja inn nýjar myndir. Jájája´.........ég veit alveg að ég hef trassað þetta. Við höfum alltaf gleymt myndavélinni þegar við förum út. HRÆÐILEGT. En nú verður breyting á skal ég segja ykkur. Myndavélin hefur fengið nýjan stað og er nú beint fyrir framan augun á okkur þegar við förum út. Nú getum við ekki gleymt henni. Rannveig og Bergur eiga líka eftir að senda mér myndir frá Glasgow. Ég lofa því að það verða nýjar myndir af okkur á vefsíðunni á mánudaginn. :-)
En...........nýjustu fréttir eru þær að við erum búin að kaupa okkur bíl. Jájá..........við vorum ekkert að slóra við þetta. Nú er þessi fína Toyota CarinaE á bílastæðinu. Árgerð 1995, keyrð 80þ km. og keyptur á 220.000.- krónur. Rosalega flottur bíll, maður. Nú getum við farið að njóta þess að fara út úr bænum á helgum, því margt er að sjá og gera.

Agli finnst flottast að bíllinn skuli vera með útvarpi sem virkar. En þannig er það með okkur að við höfum aldrei átt bíl með útvarpi sem virkar!!! Pælið í því.

En ég læt þetta vera nóg í bili. Ég þarf að fara að gera mig klára fyrir ræktina. Við Rannveig ætlum í ræktina klukkan fimm og svo voru þau búin að bjóða okkur í mat í kvöld. Eydís ætlar að gista hjá þeim í nótt og er svakalega spennt. Hún hefur aldrei gist hjá vinum sínum áður, bara hjá frænkum, öfum og ömmum. Þannig að þetta er virkilega spennandi.

Nú er þriðja helgin liðin hér í Aberdeen. Eydís er enn með smá sýkingu í auganu en við erum loksins farin að sjá batamerki á auganu. Sjálf er hún annars hress og til í tuskið.
Á laugardaginn hringdum við í Rannveigu og Berg og spurðum þau hvort þau vildu koma með okkur í keilu. Þau voru til í það og um tvöleytið kom hersingin og við trömmuðum af stað niður á strönd. Eftir kortersgöngu vorum við komin á áfangastað sem heitir því fallega nafni “Miami Beach”. Þetta er minikomplex þar sem hægt er að finna alls konar skemmtun fyrir krakkana. Úti eru rússíbanar og hringeggjur en inni er risastór spilasalur, keila og klessubílar. Við helltum okkur í að spila keilu þrátt fyrir dómsdagshávaða í mússíkerfi staðarins og óskaplegs hita. Eftir rúman klukkutíma og tvær bilanir gáfumst við upp og færðum okkur um set. Egill og Eydís fóru einn hring í klessubílunum á meðan að Alexander og Benedikt fóru í byssuleik. Þegar heim var komið pöntuðum við Dominos pizzu sem reyndist bara vera ágæt. (Mér skilst að pizzurnar í Aberdeen séu hræðilega vondar.)
Á sunnudagseftirmiðdaginn kom Benedikt í heimsókn og fékk síðan leyfi til að gista hjá okkur. Eydís var hrikalega spennt yfir því að einhver væri að fara að sofa í efri kojunni hennar. Þau ná ótrúlega vel saman þrátt fyrir árs aldursmun. Sem dæmi um það léku þau í prinsessuleik allt kvöldið, bæði klædd í kjóla og í spariskóm.
Í morgun vaknaði hersingin klukkan hálf átta og heimtaði hafragraut. Rannveig kom í hádeginu og við fórum öll í göngutúr niðrí bæ. Á leiðinni rak ég augun í forláta tóbaksbúð sem seldi neftóbak. President neftóbak fæst í Aberdeen á 153,- kr. dollan. Aðalmarkmiðið var samt sem áður að fara í tourist information til að fá bæklinga um hluti sem hægt er að gera í nágrenni Aberdeen. Eins og okkur grunaði þá er ýmislegt skemmtilegt hægt að gera og fundum við meðal annars makalaust girnilega ferð þar sem boðið er upp á wisky smökkun hjá Glenfidich. Einnig fundum við stað þar sem hægt er að leigja bústaði og veiða. (Frekar flott)
En núna er komið páskafrí í leikskólanum þannig að við Eydís verðum heima að dunda okkur næstu dagana. Reyndar ákváðum við Rannveig að fara með krakkana í bíó á miðvikudaginn og verður forvitnilegt að sjá hvernig Eydís bregst við því að fara á útlenska bíómynd.
Jæja, nú var “Men in black” að byrja í sjónvarpinu og við Egill ætlum að kúra okkur í litlu sófana okkar og horfa á hana.
Skrifa bráðum meira. :-)

Jæja, núna erum við búin að vera í Aberdeen í rúmar tvær vikur. Allt hefur gengið að óskum og við erum smátt og smátt að komast í rútínu. Eydís er reyndar pínulítið veik, þ.e. hún er með einhverskonar sýkingu í auganu og er eldrauð. Við förum með hana til læknis á morgun ef hún verður ekki orðin góð.
En fyrir þá sem ekki vissu þá fór stórfjölskyldan í ferðalag um helgina. Við lögðum bíl undir fót og keyrðum til Glasgow. Rannveig, Bergur og strákarnir þeirra voru í samfloti og við gistum á þessu pínulitla Bed and Breakfast í 10. mín. gangi frá miðbænum. Erindi ferðarinnar var að sjálfsögðu að fara á landsleikinn, Ísland vs. Skotland. Eftir 3. tíma keyrslu komumst við loksins af mótorveginum...........en þá kom í ljós að ekkert okkar hafði skrifað niður heimilisfangið hjá gistihúsinu. Nú voru góð ráð dýr. Við prufuðum að hringja í símaskránna en þar var gistiheimilið ekki skráð. Að lokum ákváðum við að keyra um á þeim stað sem við héldum að gistiheimilið væri. Eins ótrúlegt og það var þá fundum við gistiheimilið eftir 10. mínútna leit. Þá var bara að koma sér fyrir og skella sér niðrí bæ. Við fórum að hitta Halldór, Dennu, Þorgeir og Sif sem voru í afmælisferð. Þau gistu á Holiday Inn og eftir nokkra drykki var farið á Indverskan veitingastað. Eins og venjulega var Eydís barnana best og stilt eins og venjulega. Á laugardaginn vöknuðu allir mjög spenntir. Egill, Rannveig, Bergur og Alexander voru að fara á leikinn en ég, Eydís og Benedikt vorum að fara á vísindasýningu. Allir vita nú úrslitin á þessum sorglega leik en það var ekki mikil sorg hjá mér og krökkunum. Vísindasýningin var risastór og margt skemmtilegt að hægt að gera. Að lokum splæsti ég á þau í þrívíddarbíó og ég skemmti mér stórfenglega við að horfa á krakkan teygja út hendurnar til að koma við hinu ýmsu hluti. Ég meira segja lét gabbast sjálf einu sinni eða tvisvar. Eftir frábæran dag skelltum við okkur á Fridays að borða.
Þetta var sérstaklega skemmtileg ferð. Þó að ferðin hafi tekið 3 klukkutíma virtist það styttra því að sveitirnar í Skotlandi eru sérstaklega heillandi. Eydís var endalaust að leita af kastölum og vildi fá að búa í þeim sem prinsessa.
Ég og Egill vorum svo miklir klaufar að við gleymdum myndavélinni okkar. Ég er að bíða eftir að fá sendar myndir frá Rannveigu og Bergi en þau voru það gáfuð að taka sína myndavél með.

Litla fólkið í Háagerðinu

fimmtudagur, apríl 24, 2003

miðvikudagur, apríl 16, 2003

föstudagur, apríl 11, 2003

mánudagur, apríl 07, 2003

þriðjudagur, apríl 01, 2003

Um mig

Vinir og vandamenn

Previous Posts

Archives